handa akong
muling pagbuksan
ang pag-ibig,
ngunit sana ay
hindi na ikaw ang
nasa labas ng pinto.

— sa minimart, bumibili || Levi.

#notoplagiarism

bakit kailangan pang
may umalis
bago malaman
ang halaga?

— tahimik na nakatingin sa malayo, sa durungawan || Levi.

hindi ko alam kung paanong sa takbo ng buhay ay hindi ako makasabay. na tila ako'y napag-iiwanan ng panahon. mabagal ba ako? o sadyang mabilis lang ito?

gusto kong patigilin ang oras nang kahit ilang minuto para lang makasabay at makahabol at pinipilit ko ang sariling bumilis sa paglalakad dahil ang iba'y nakikita kong nasa malayo na. ako, heto pa rin.

ngunit nariyan ka upang ipaalala sa 'kin na huwag magmadali. nariyan ka para samahan akong tumigil nang saglit sa isang bahagi ng buhay kong kahit ako ay hindi malaman ang punto. nariyan ka para maiwan kasama ako. dahil maiwan man tayo ng mundo, kampante ako't ikaw ang kasama ko.

salamat.

salamat sa pananatili at pagsama sa 'kin sa sandaling pagtigil. ikaw ang ugat ng layuning mahalin ang buhay hindi dahil sa maganda ito, kundi dahil parte ka nito.