@Ulapaxm
Good morning
Here is my poem guys, hope y'all will appreciate it^^
🎀:
Ang pinakamalakas na sigaw ay ang mga tinig na hindi pinaririnig.
Palahaw ngunit hindi makahiyaw.
Nakakulong ang bagyo sa isipan—
Nalulunod sa sariling karagatan.
Ang pinakatahimik ay hindi kalmado,
Bagkus sila ang pinakadelikado.
Katulad ng ilog kapag hindi maingay—
May lalim itong taglay.
Ang pinakamalakas na halakhak.
Ang may tinatagong pinakamasakit na pag-iyak.
Ang may pinakamatamis na ngiti—
May sakit na ikinukubli.
Ang pinakamahapding sugat ay matatagpuan sa katahimikan ng gabi.
Mga alaala at pagsisising naitabi.
Pagtatanong sa sarili—
Kung anong kulang at pagkakamali.
Madalas, karamihan sa buo ang panlabas—
Sila ang may mabigat na dinaranas.
